25/12/2008

UNHAS RISAS

Gabriel Tizón
Unha páxina moi interesante e chea de sorpresas, algunhas son imaxes duras dunha realidade moitas veces esquecida por nós, outras son dunha gran beleza e tamén hai imaxes divertidas.

17/12/2008

NAS VACACIÓNS HAI MÁIS TEMPO PARA...

...gozar coa lectura, a música ou mirar con tranquilidade un audiovisual cos nosos nenos e nenas.
Aqui tedes unhas páxinas para que lles botedes un ollo,
Podedes mandar enderezos que vos parezan interesantes a capturanubes@gmail.com.


Os xogos:
Cativadas
atopado en Opaco
A maxia:
Unha chea de maxia percorrendo toda Galicia no
NADAL MÁXICO.
Os libros:
- kalandraka

- Factoría K

- OQO
- Galaxia

Ou as novas propostas de contos, música e imaxe en movemento

Unha mostra de contos en cantos


EnlaceEnlace

15/12/2008

..A GRAVADORA NAS AULAS DE INFANTIL

Expresar sentimentos, emocións, experiencias...forma parte da aprendizaxe da expresión oral, a que, como mestra de apoio, adico parte do meu horario.
Unha parte de este achegamento ten como axudante incondicional á gravadora dixital coa que de momento os nenos e nenas de 3 anos se están familiarizando ata que sexa unha ferramenta de traballo máis na aula.
A gravación das súas voces da pé a moitas actividades encamiñadas a favorecer a expresión oral e facer un seguimento da mesma.
Neste audio tedes unha mostra:
Na conversa reflexionan sobre as actividades que se fan no E.D.I. e teñen que contalo diante do micro.
Despois de cada gravación escoitamos atentamente o resultado, isto provoca risas.
Logo eu edito o son para poder colgalo no blog, pero as voces quedan tal como se gravan.

11/12/2008

COÑECENDO MELLOR O BLOG

RECURSOS

Este apartado do blog ten un montón de recursos educativo-divertidos.
Na presentación vedes só algunhas das posibilidades que nos ofrece, botade un ollo e opinade facendo algunha das propostas.

Son moi recomendables para toda a familia.

08/12/2008

UN CONTO DE INVERNO

06/12/2008

HABLAPORMIDICEIAGO

Fai xa un tempo que sigo o blog de Iago, un neno de 9 anos que ten moito que contar...e que a través do seu blog nos agasalla con un montón de experiencias que merecen ser lidas.
Parabéns para Iago e a súa familia.




QUIÉN SOY?, no se cómo definir mi discapacidad, ¿autismo? en parte, ¿hiperactivo? me encanta, realmente no se puede definir, dicen que estoy dentro del espectro autista, porque existieron otros factores que pudieron afectar en lo que ahora soy, por lo tanto no puede ser autismo puro. Tengo una discreta atrofia subcortical, que según el médico, mucha gente tiene, sin que le pase nada, nací prematuro, estuve en incubadora y con ventilación asistida, mi mami lo pasó mal en el embarazo, tuvo perdidas y contracciones, hasta se quedó sin liquido, justo cuando decidieron los médicos que debía salir. Realmente es una mezcla de cosas.

Ahora mismo, como ya habréis deducido por el título del blog, no hablo, bueno, digo palabras, pero de una en una, no sé unir 2 palabras, pero se explicarme muy bien, todo el mundo me entiende, ya tengo un lenguaje propio, algún día tendré un lenguaje que más gente entienda. Es muy difícil que hable, porque si no lo he hecho hasta ahora, es complicado que lo haga a partir de ya, pero no descarto hablar por signos algún día.

04/12/2008

OS OLLOS DA NUBE CAMBIAN DE COR

No Encerado Dixital as nubes cambian a cor dos ollos... non é maxia... é TECNOLOXÍA.


Actividade no EDI realizada por un grupo de seis nen@s de 3 anos.


Os pasos para facer unha pequena animación son sinxelos, (pódense ver no seguinte vídeo), e moi divertidos para que os nenos e nenas se vaian facendo co manexo do E.D.I.







O programa SMART permite gardar as diapostivas como imaxes (jpeg) para editar en formato video ou presentación e conseguir unha apariencia de "animación", ou cando menos un xogo visual de observación partindo dunha produción propia.

02/12/2008

VAI MOITO FRIO!!

Remata o outono, chove, vai moito frío, sopla o vento e por algúns sitios ata neva.
Será que está chegando o inverno?



30/11/2008

O VIDEOBLOG



No AULA BLOGUE sigue o proceso de transformación de blog de aula a blog de profesora.
Hoxe estreamos un novo apartado O VIDEOBLOG , no que atoparades con facilidade os vídeos que xa apareceron no blog.

27/11/2008

A LÚA NA CIDADE

24/11/2008

O GATO PELADO ANDA ESCAPADO...

O gato pelado saltou a fama nas aulas 3 anos despois da lectura do libro de COCORICO, que se lembrades é un pitiño que ten "problemas" para compartir o biscoito que lle fixo MAMÁ GALIÑA.
O gato pelado o remate do conto fuxe escapado... e non sabemos onde chega, pero si que hai quen o vai atopando polo camiño.
A última vez que o viron foi en Vigo e mandáronnos una fotografía que podedes ver en COMPARTE IMAXES CON NÓS.
Temos unha pequena gravación de vídeo na que podemos escoitar como miaña.







Ola! Pois o gato pelado eu vino por Santiago nos soportais do Toural e o ano pasado, cando veu de visita a Vilanova, pintamolo de coresssssssss. biiicosss.(imaxe do gato pelado recibida no capturanubes@gmail.com)

20/11/2008

j´ai besoin de la lune- XOGANDO COA LÚA

Compartir experiencias a través dos blogs é algo que nos permite Internet e aínda que no edificio de infantil a conexión é precaria, na aula do E.D.I. vai funcionando e nós podemos ver o que fan noutras aulas e aprender.
No "Sereas sen cadeas" non paran, son unha fonte de inspiración e información para nós.

Seguimos a xogar coa lúa e desta vez acompañanos unha preciosa canción francesa: j´ai besoin de la lune (Manu Chao).


Xogando a mover a lúa con un puzle atopado en Sereas sen cadeas.





Compartir fotos tamén nos inspira.

Xogando a poñerlle cara á lúa
con unha foto que comparte Rafa Torre.


18/11/2008

FOTOGRAFÍA NO E.D.I.

Xa se vai notando a soltura con que os nenos e nenas de 3 anos manexan o Encerado Dixital Interactivo, máis coñecido pola Pizarra Máxica.

Nesta actividade fan fotografía coa webcam é o vídeo está feito coa gravadora do E.D.I., se vos fixades no recadro verde que hai na pantalla vai aparecendo unha foto distinta cada vez que pulsan.

Coas fotos traballamos o esquema corporal e aprendemos a a traballar coa imaxe, algo moi importante na sociedade do momento.

A naturalidade coa que se manexan coas TICs tan pequenos fainos pensar que son unha xeración de nativos dixitais, un termo ó que nos temos que ir acostumando.

15/11/2008

NON SON VIRUS...SON EDUBLOGS!!

Eu enredo, ti enredas... Nós enredamos!

ENREDANDO:

"Queremos adicar un espazo, un tempo... Para escoitar, falar, ler, escribir, mirar, aprender... En fin, un blog para enredar!"

"Aínda que a idea de crealo xorde da clase de lingua galega de 5º de Educación Primaria do CEIP Sanjurjo de Carricarte, non queremos nin debemos manternos á marxe de todas aquelas cousas que suceden ao noso redor, no cole, no barrio, na cidade e máis aló."

Sumase a blogosfera educativa e co que compartiremos experiencias e ENREDOS diversos.
Noraboa!!!

COUSAS DE PRIMARIA


Aumenta a comunidade virtual de edublogs na cidade, e polo tanto a comunicación e o intercambio de experiencias educativas.
Cousas de primaria é o edublog de Rafael de la Torre, mestre e director do colexio Raquel Camacho : "Edublog...onde aparecerán realidades do día a día".
Parabéns!!!



No cousas de primaria vese que tamén andan preocupados polas andanzas do gato pelado
(xa sabedes que anda escapado ), e polo visto anda por Vigo.
Na foto que conseguiu Rafa parecese, aínda que con este gato nunca se sabe , o que vou facer é preguntarlle os nenos e nenas de 3 anos a ver que opinan.
Como é un gato moi viaxeiro pode estar en calquera sitio, se o vedes non dubidedes en informarnos e se podedes sacarlle unha foto, xenial!!!


10/11/2008

LÚA LÚA LÚA




Seguimos coa colección:
do berce a lúa , da editorial kalandraka.

Xa levamos tres libros : miau, 5, e agora Lúa.
Co libro Lúa imos a traballar coa imaxen e a poesía, a ver que pasa.
Vai costar superar o éxito tan rotundo de COCORICO e o GATO PELADO que anda polo mundo escapado(se alguén viu o gato pelado correndo escapado que nos diga onde, é moi importante!!).
Para ir entrando no tema un video da serie contos celestes.




visto en sereas sen cadeas

09/11/2008

O MAGOSTO NO COLE AZUL

QUEN SERÁ?


O venres celebramos O MAGOSTO en infantil e cando xa estabamos listos para comer as castañas tivemos unha visita inesperada e moi divertida A CASTAÑEIRA!!.

Houbo castañas, risas, música e bailes...o que se dí unha boa festa.
O ano que vén...máis.

08/11/2008

TOC TOC...Ai non!! TICTICTIC



E veña edublogs...iste curso parece que se consolidan como ferramenta educativa, cando menos no noso colexio.
TICTICTIC nace como blog colectivo no que a comisión TIC do colexio pretende abrir un espazo de divulgación da integración das TIC na educación, coa amplitude de campo que isto supón.

O contacto en toctictictic@gmail convidanos a participar.
Parabens!!


fonte de información

Noticieiro TIC, na revista dixital

05/11/2008

NOVAS DE 1º B

Son MªJosé, a profesora dos nenos-actores e nenas-actrices de 1ºB.
Como vemos estamos a traballar moito para aprender a ler, contar, escribir, compartir, respetar...
Comezamos o novo curso coa chegada de Pupi, a mascota da clase, que nos vai acompañar e axudar nesta noVa etapa, incluso poderémola levar a casa, coidala e facerlle roupa(pois agora que estamos no Outono xa vai frio), contarlle contos...
Maite, Alba e Ainhoa xa estiveron de cumpreanos e fixeronse fotos con Pupi.
Un percorrido e imaxes pola aula de 1º B antes de ir o patio.
No lateral do blog, onde pon "Comparte unha imaxe con nós", están as fotos que sacou Enrique Mingote e que podedes descargar de Picasa.
Continuará...

Publicado por Mº José, a súa titora

04/11/2008

MÚSICA ANIMADA


Programación de música animada para toda a familia no MACUF.

31/10/2008

AS CABAZAS DO PAíS


"Chega o día de Defuntos. En todas as partes comezamos a ver cabazas que representan caras aterradoras que nos invitan a celebrar o Halloween. Pero, ¡atención!, non é americano todo o que o parece. Ata hai trinta anos por moitas aldeas de Galicia tallábanse cabazas por estas datas, e a día de hoxe cada vez hai mais lugares nos que se está a recuperar esta tradición na forma da festa do Samaín."

O Samaín en Palmeira

Recollido en cultura galega.org

28/10/2008

PASIÑO A PASIÑO








Un nome ben acertado para o blog de aula que Olalla acaba de estrear xunto cos nenos e nenas de 1º curso do colexio de Baíñas.
Olalla e moi coñecida no noso blog xa que foi ela quen nos desvelou no seu momento o "caso do ovo pequeno", e tamén por formar parte do proxecto AS NUBES VIAXEIRAS.
PASIÑO A PASIÑO xa promete na súa primeira entrada onde podemos atopar un video-conto narrado e ilustrado pola súa clase que merece a pena escoitar.
Noraboa!!!

26/10/2008

BICOS DE VENTO












Unha aposta pola poesía
"Caderno de poemiñas cos que xogamos,cos que medramos.. Educación Infantil do CEIP de Aguiño."


23/10/2008

CHUVIA DE ESTRELAS NO E.D.I.

Seleccionar unha figura (estrela), decidir unha cor (verde)... e xa temos unha chuvia de estrelas no Encerado Dixital Interactivo.




Actividade feita no E.D.I. polos nenos e nenas de 3 anos.

21/10/2008

XOGOS AFRICANOS :ACTIVIDADES FAMILIARES NO MACUF

Para nenos e nenas de 3 a 10 anos, acompañados de adultos.

20/10/2008

EN EXCLUSIVA PARA O AULA BLOGUE!!!



Nace un novo edublog no colexio!!!
Despois dun curso en funcionamento co AULA BLOGUE, a aparición na blogosfera do colexio de FACEMOS MÚSICA é unha moi boa nova que a min xa me tardaba.
Coa ilusión dun proxecto cheo de música e ganas de compartila con todos e todas bota a andar o blog de Laura Pazos, unha das mestras de música do "Emilia".
Noraboa!!!
Laura é compoñente da Banda de música de Visantoña e do grupo Tromentelos Chis Pum

Banda de música de Visantoña
Composición de Eugenio Pazos



Tromentelos Chis Pum

18/10/2008

CICLO DE TEATRO INFANTIL:TODO PÚBLICO


"A programación abarca un total de oito espectáculos procedentes de Galicia, Italia, Holanda e Arxentina clasificados por tramos de idade (maiores de 3 anos, 5, 6 e 7). O obxectivo do programa consiste en ofrecer unha programación de artes escénicas (de teatro, teatro-circo, danza e monicreques) a toda a poboación infantil.

O ciclo vai dirixido a dous públicos distintos: a familia durante as fins de semana e os escolares nos días lectivos. Neste sentido, para esta edición, teñen xa confirmada a súa asistencia un total de 68 centros de ensino da Coruña e da súa área metropolitana, o que supón un volume de espectadores de ao redor de 15.000 nenos e 850 profesores."



14/10/2008

UN TALLER INTERESANTE

Cociña con pintura, unha mestura que apetece.

musicaporuntubo


Para cantar e bailar

musicaporuntubo
Un novo blog na nosa blogosfera.
Con recomendacións e recursos musicais que nos facilitan as busquedas as que as veces adicamos tanto tempo.
Graciñas Irene por compartir o teu traballo con nós.

12/10/2008

MAXIA OU TECNOLOXÍA?

O encerado dixital é unha das ferramentas tics coas que comezan a traballar os nenos e nenas de tres anos.
Cando ven como funciona e fan os primeiros trazos.
Parece maxia!!!
Pintan co dedo ou ca man e non se manchan, poden cambiar as cores, as formas...
Unha mágoa!!!
Ë simple tecnoloxía.





Artigo sobre o EDI na revista dixital do colexio.


EDIGA, información sobre o EDI.

06/10/2008

O OUTONO NO EDUBLOG SEREAS SEN CADEAS


Un novo edublog de infantil forma xa parte da nosa blogosfera.
Aguiño e Ribeira sempre presentes no AULA BLOGUE.
Gustoume moito esta animación que nos recomendan, e de paso ...xa sabedes botamos un ollo e gozamos con SEREAS SEN CADEAS.

04/10/2008

HISTORIAS DE CINE PARA NENOS E NENAS


Sábado 11 as 18h.
Kirikú e as bestias salvaxes.

No CGAI
"Iniciativa de periodicidade mensual que, dirixida aos máis novos e contemplando a versatilidade e posibilidades de aprendizaxe a través do cinema, terá continuidade nas próximas programacións do CGAI, celebrándose as seguintes proxeccións os dias 15 de novembro e 20 de decembro".
Esta pelicula está no catálogo da biblioteca do colexio.

30/09/2008

ESTÁ CLARÍSIMO QUE O GATO DÍ MIAU-MIAU...PERO, QUE DÍ O MENIÑO?

Este conto está tendo moito éxito entre os nenos e nenas de tres anos que agás de podelo ler en formato libro, léelo e escoitalo en formato dixital no ordenador, tamén o poden tocar e manipular no encerado dixital interactivo ou miralo nun pequeno vídeo.

29/09/2008

MIAU -CUAC - MUUUUUUUUUUU....

... Son algúns dos "sons" que aparecen no divertido libro da colección "do berce á lúa", da edit. KALANDRAKA e dos que gozamos xa nas aulas de 3 anos.

O caso é que xa tedes as ilustracións no blog, pero aínda non din co "truco" de subir os sons coa aplicación scribd (é a primeira vez que a uso) o que si podedes é descargalas en formato pps.


25/09/2008

COCORICO - QUIQUIRIQUÍ


No blog do Ceip Argantonio de Sevilla, que é un blog de aula de educación infantil co que espero estreitar lazos durante este curso escolar, recoméndannos a lectura de COCORICO.
Unha posibilidade de lectura para pequenos e grandes.
... e de paso botámoslle un ollo ó blog que nos transporta as aulas de Andalucía.
Este libro podédelo atopar na biblioteca do colexio.

22/09/2008

QUE VAI PASAR CO BLOG?

Iso digo eu , que vai pasar?
O caso é que pase algo.
Así que comezamos unha etapa de reformas na que me gustaría contar con todas as persoas que fixeron tan interesante a traxectoria do curso pasado, en especial cos nenos e nenas da "miña clase" que agora xa desde primaria poden participar activamente como mínimo cos seus comentarios.


O primeiro que ides notar é un cambio nas etiquetas: A NATUREZA, CELEBRACIÓNS, INVESTIGANDO... pasarán a ser curso 07/08. Este cambio fareino con calma, pero non se me ocorre outra maneira máis sinxela de manter as entradas do curso pasado fáciles de
atopar.

11/09/2008

PRIMEIRO DE PRIMARIA


Foi un gusto recibir e estar ata a hora do recreo cos nenos e nenas de 1º B.
Están grandes, morenos e como sempre con moita enerxía.
Un novo curso e unha nova etapa educativa que seguro vai ser apaixoante.
Os meus mellores desexos para todos e todas.
A vosa titora de Educación Infantil .
María

10/09/2008

UN NOVO CURSO



Pouco a pouco no AULA BLOGUE iremos collendo o ritmo do novo curso.
Benvidos e benvidas
A disfrutar!!¡

16/07/2008

AS NUBES VIAXEIRAS- as tres partes

1º parte

2º parte

3º parte

11/07/2008

COMPARTINDO FOTOS-día da estrea

Máis fotos no álbum, compartidas por Alfonso

Álbum dia da estrea

10/07/2008

AS NUBES VIAXEIRAS

Aquí está a primeira parte-A.
Pouco a pouco irei poñendo a "peli" enteira, o como se fixo e o anuncio.

30/06/2008

XA FOI A ESTREA

Cheo total na estrea de AS NUBES VIAXEIRAS.
Emocionante!!!
Avoas e avós, pais e nais, irmáns, primos e primas, amigos e amigas...un público entregado.
Un final emotivo, e moitas ganas de seguir colaborando en proxectos comúns.
OS PINCHOS ESPECTACULARES!!!
Non teño ningunha imaxe do "evento", ou sexa que por favor mandade o que teñades para compartir.
De verdade que agora teño tempo de subilas o AULA BLOGUE.

18/06/2008

PRÓXIMA ESTREA

15/06/2008

UN DÍA ESPECIAL



A cantidade de medios despregados na entrega de orlas, indica que para tod@s é un acontecemento importante, fotos...videos, quedou ben documentado, coma sempre está a posibilidade de compartir as imaxes nos álbums do blog, pero a edición das NUBES VIAXEIRAS roubame moito tempo e a subida de fotos vai lenta, ou sexa que vos pido un pouco de paciencia.
Polo momento adianto as que fixo Enrique( pai de Lola). a primeira hora da mañán do venres no patio.

11/06/2008

AULA BLOGUE TEN XORNALiSTAS DESPLAZAZADAS NA COSTA DA MORTE

Dúas coñecidas xornalistas gráficas desplazadas na Costa da Morte, especializadas en novas da Natureza, achégannos documentos gráficos propios desta época do ano.
Desde Malpica, Ana Cancela:"Hai un sauce chorón o que no seu tronco lle saíron unha chea de cogumelos, tamén unha planta de frambuesas que este ano estase poñendo a tope e por último unhas fresas que saben riquísimas."
Isabel Blanco, desde Ponteceso, manda unhas preciosas fotos dun formigueiro que está na horta da casa familiar.

08/06/2008

UNHA TABLETA DIXITALIZADORA


Un agasallo para a nosa aula.
O premio que recolleu no noso nome Aurora Jove (premiada co Think in English) e tamén a miña profe de blogs),trouxo un agasallo para traballar na aula moi interesante, unha tableta dixital, Para que vos fagades idea de como funciona, neste video do blog PEQUEREBOREDA está moi ben explicado.

Mañán probarémola en canto poidamos, xa vos ensinaremos os resultados.

07/06/2008

reportaxe de A NOSA TERRA

A NOSA TERRA DIARIO adicanos unha reportaxe feita o día da gravación no mirador do monte de San Pedro.
Os blogs de aula, ferramenta básica no ensino.

05/06/2008

EXCURSIÓN A DOMUS


Mañá, venres día 6 imos a Domus, esta será a derradeira saída deste curso.

DIAPORAMA DA GRAVACIÓN NO MONTE DE SAN PEDRO



Feito por Enrique(pai de Lola)
O subir este diaporama ó blog, perdeu definición, para conseguir o orixinal falade con Enrique.

04/06/2008

UNHA GRANXA ARXENTINA



Unha web interesante para seguir coñecendo Arxentina, atopámolo no Blog A NOSA CLASE

Un sinxelo e divertido paseo por unha granxa, coñecendo os seus habitantes.
Máis de animais:
Animais domésticos
Galeria de imaxes

31/05/2008

AS NUBES VIAXEIRAS INVADEN O MONTE DE SAN PEDRO NUN DÍA DE SOL


Último día de gravación da xa famosa curtametraxe "AS NUBES VIAXEIRAS", que como tod@s esperabamos foi un éxito!!!!!.

Destacar que , agás das moi coñecidas(e non por elo menos ricas )galletas que fai Karina, degustamos varios biscoitos feitos na casa, o de amendoa podo confirmar estaba rico, ainda que pidovos a opinión sobre este tema pois había onde escoller.
As primeiras imaxes no álbum gravación no Monte de San Pedro.
Como había moitas cámaras, xa sabedes que podedes mandar a capturanubes@gmail.com, para compartir as imaxes con nós.

29/05/2008

27/05/2008

DECLARACIÓNS DE SARA A VIAXEIRA PARA "aula blogue"



A poucos días da actuación da compañia de danza "As nubes viaxeiras",temos as primeiras declaracións dunha das compoñentes:
Sara a viaxeira, que está recien chegada da Arxentina, e contanos unha historia onde demostra o seu dominio da fala dese país.
Un documento sonoro dun valor extraordinario.


Un saúdo para o blog arxentino MI SALA DE 5, finalista dos premios espiral de edublogs

26/05/2008

AUDIOADIVIÑAS ILUSTRADAS



Hoxe repartimonos en dous grupos, un quedou con Eva, a profe de música ensaiando a danza que teñen que gravar o sábado no monte de San Pedro e o outro grupo foi como non ó encerado dixital e fixo un debuxo colectivo.
Escoita e adiviña quen dibuxou cada elemento da ilustración.
Unha pista:
Escoita o audio

24/05/2008

BUSCADORES DE INTERNET CON FILTROS


Como vedes, cada día os nenos e nenas da nosa clase usan máis o ordenador e comezan a facer pequenas busquedas pola rede.
Para que está busqueda sexa máis segura hai "buscadores" con filtros, un deles témolo enlazado no AULA BLOGUE, no apartado de INTERESANTE, co nome de buscador infantil.

Compartiu esta información:Ana (mamá de Clara)
Novos hábitos educativos, na revista dixital

23/05/2008

22/05/2008

cucucricri




Banda sonora da visita ó Monte de San Pedro

21/05/2008

ESTIVEMOS NO MONTE DE SAN PEDRO



Casi non podemos ir, ameazaba con chover, pero atrevimonos e valeu a pena.
Acompañounos Guti, e foinos ensinando os nomes dalgunhas plantas e animais que atopamos no roteiro.
Contounos unha "lenda" sobre a planta de namorar que medra por alí, foi moi interesante , divertido e.........cansado.

SAÍMOS NO XORNAL - LA OPINIÓN

ARTIGO SOBRE O NOSO AULA BLOGUE

20/05/2008

IMOS DE EXCURSIÓN

Mañán, mércores 21 de maio, iremos de excursión ó Monte de San Pedro, según o programa de ed. ambiental "Veo Veo".

18/05/2008

FOTOS DE GANDARIO

Poño un enlace a galeria de fotos que aparece no artigo da revista escolar
Fotos de Gandario

15/05/2008

2º DÍA DE GRAVACIÓN

Un exito!!!!!
En realidade xa estamos acostumados a que todo vaia ben, me parece que ten moito que ver con que nos divertimos.
Desta vez ata lle bailamos unha peza o son da gaita e pandeireta, e houbo quen, metida en faena se subiu a unha árbore....para gravar un plano picado, claro.
O equipo de producción (maquillaxe, vestiario, canguros, catering, técnicos, observadores..)coma sempre atento a todo.
Xa nos falta menos, próxima gravación o día 31 de maio no Monte de San Pedro.
O mellor, os nenos e nenas coa naturalidade que os caracteriza.
Compartindo fotos
Miguel Figueira manda as primeiras fotos da rodaxe.

1º PREMIO!!!!!!!!!!!!!!!


1º premio Espiral edublogs 2008
blogs de aula na categoria de infantil

14/05/2008

17 DE MAIO - DÍA DE INTERNET


Tamén é o día de internet, e agora que os nenos e nenas da nosa clase xa comezan a facer busquedas na rede, non está de máis falar dos buscadores infantis que filtran contidos e fan as busquedas máis seguras.
Buscador infantil
Ana, a mamá de Clara e Silvia, compartiu este recurso con nós.