Por fin temos un caganer galego, cento por cento coruñés, que dixo Laura a súa creadora, a isto chámolle fusión, mestizaxe ...
As tradicións unen culturas, coñecendo as propias achégamonos ao resto do mundo.
Boas vacacións!!!
Dous blogs de inglés coñecidos por nós están nominados os premios:
Un deles é o de Rosa Fernández, unha das profesoras de inglés do noso colexio.
Parabéns a Rosa e grazas polo seu traballo coas tics, do que disfrutamos toda a comunidade escolar.
ENGLISH WITH ROSA
"Do you want to practise your English?... This is the blog for you. Here you can read, write, play, sing, learn and have lots of fun... but all in English"
Artigo da revista electrónica do colexio sobre o tema.
O outro blog ao que fago referencia:
Think in English
"An EFL blog for my pupils at "CEIP Ponte dos Brozos", State Primary School in Arteixo town - Galicia - Northwest Coast of Spain"
de Aurora Jove, profesora de inglés no Ceip Ponte dos Brozos de Arteixo, coa que eu aprendin a facer blogs e a aplicación dos mesmos no proceso do ensino-aprendizaxe.
Parabéns,Aurora!!!
Unha boa nova!!!
Lembrádes a Iago, agora ten un premio por unha curtametraxe feita pola súa nai, xunto con outras dúas curtametraxes galegas, que tratan dos dereitos dos nen@s.
"O sábado 5 e o domingo 6 de decembro os máis novos teñen unha cita ás 17 horas na Casa das Ciencias. Da man do grupo Chévere celebraranse Cosmicontos, sesións especiais de teatro co planetario como fondo pensados para nenos entre 4 e 10 anos. É unha actividade co patrocinio da Consellería de Economía e Industria. Dirección Xeral de Investigación, desenvolvemento e innovación, Xunta de Galicia".
fonte: A Coruña Cultura
Como xa sabedes na diversidade de actividades que realizamos no EDI adicamos un tempo ao manexo da cámara web, gravación de vídeos, fotos....
No seguinte vídeo - titorial podedes ver claramente o proceso coa explicación duns expertos na materia:
Nesta ocasión capturamos imaxes de mans e pés, no lateral do blog tedes o resultado.
mesturas fariña auga e sal, e a modelar!
en breve os resultados.
Estas imaxes teñen pouco que ver coas novas que estamos acostumados nos medios sobre este deporte: fichaxes por cantidades astronómicas, pelexas entre seguidores...
O futbol como calquera deporte ten moitos valores educativos que penso que no vídeo FUTBOL NON COMERCIAL quedan ben reflectidos.
Un novo vídeo para o noso vídeo-blog.
Nesta actividade queda moi ben reflectido como a linguaxe gráfica é intuitiva para os nenos e nenas, que teñen no debuxo unha expresión natural, unha maneira de comunicarse sen intermediarios.
A solución da fotoadiviña está neste vídeo, a verdade é que non fixo falta nada de axuda... o mellor ten que ver con que a imaxe é unha das fotos que fixeron coa cámara web, as demáis fotos pódense ver no álbum CASTAÑAS.
Rosa, a profe de inglés que chegou este ano o colexio, trouxo consigo un interesantisimo blog, quedades convidad@s a visitalo, e por descontado xa forma parte do BLOGUEANDO.
Non se fala máis que da plaga de medusas e non ibamos deixar pasar unha ocasión tan boa para aprender algo das mesmas.
Outros vídeos de medusas:
- invasión de medusas.
- grande medusa.
- medusa azul.
Por fin irán aparecendo os primeiros vídeos gravados en equipo, ou o que se chama na linguaxe TIC as primeiras narracións dixitais.
Xa víchedes cal é proceso na entrada: enfoca pulsa e conta.
Un exemplo de xogo divertido e sinxelo para adquirir destreza no manexo do rato, algo imprescindibel nas nosas aulas.
fonte: rebujito.net, nesta páxina atoparedes moitos máis, está enlazada no lateral do blog, no apartado adicado a recursos.
Falar diante dunha cámara ten a súa dificultade, enfocar coa cámara web traballa a coordinación óculo-manual, por último pulsar para dar comenzo e remate a unha gravación precisa atención...unha actividade ben completiña e sinxela a que estamos a facer nesta semán no Encerado Dixital Interactivo, para mostra neste vídeo podedes ver un exemplo da mesma.
E pronto veremos os resultados das gravacións!!!
Ten moi boa pinta, e de paso podemos dar un paseo virtual pola fundación Luís Seoane.
ciclo_animacion
mellor, así poderemos dar un paseo polo monte e se cadra atoparmos sorpresas coma neste vídeo que xa forma parte do noso vídeoblog.
Unhas imaxes das nenas e nenos de 4 anos para ilustrar os primeiros días do curso 2009/ 2010.
Pronto estará listo o primeiro vídeo deste curso, mentras tanto imos despedindo o verán coas pinturas de Leandro Lamas.
Un pouco a verdade é que si..., menos mal que está a milnen@s espelida. 
Non faltedes!!!
Xa ramataron as clases e comezan as festas do verán coas cacharelas do San Xoan, unha das nosas festas máis celebradas...e xa sabedes "NO SAN XOÁN A SARDIÑA MOLLA O PAN".
Hai 50 anos que se gravou a película EL ANDAMIO (1958) en Labañou.
Agora rescatada e restaurada poderemos vela, xunto cun documental sobre a mesma, este xoves 18, as 8 da tarde, no MACUF.
Unha nova serie de fantásticos debuxos da Nabela feitos nas clases de Teresa e Ana... por suposto está sorrindo.
E cando rematou a proxección comezou a música e o baile.
Como vedes cada nena e cada neno ten unha Nabela de seu, pero todas están sorrindo... o mellor é que o vexades no vídeo.
E pronto aparecerán máis imaxes!!!
Neste vídeo hai un adianto do que aconteceu na actividade que compartimos hoxe da man de Nabela, coas fotografías de Gabriel, a música de Samba, Paco e Pele (músicos do Senegal) e a mirada e oído entusiata das nenas nenos de 3 anos do colexio.
Canto antes tentarei de editar o resto da gravación, xa vedes que non me puiden resistir a mostrarvos unhas imaxes que non precisan comentarios...ou si!!! grazas por vir e facernos pasar este rato tan marabilloso sin pedir nada a cambio.
Dentro das actividades relacionadas con Nabela e o seu sorriso, que estamos a facer nas aulas de 3 anos, o próximo martes virán ao colexio :
Gabriel Tizón, que proxectará imaxes de África (sonrisas del sur) e membros da ONG Equus Zebra cun obradoiro musical... que mellor que isto para seguir coñecendo a súa diversidade cultural.
Sábado 30:
Carpa na Praza das Conchiñas. Entrada de balde
11:00.- Animación de rúa a cargo de Manicómicos
11:45.- Xogos
12:45.- Actuación musical. Pablo Díaz: “Tic-tac”
17:00.- Teatro de monicreques. “Albízaras”, da compañía Falcatrúa
18:15.- Actuación musical. Mamá Cabra
Organiza: Concellaría de Mocidade e Normalización Lingüística e Concellaría de Cultura
Nabela co seu sorriso achégounos a África...
África?
É grande?
Está lonxe?
Ten praia?
Temos que investigar!!!
Un éxito!!!, casi 200 persoas compartindo unha xornada divertida estomballándonos nos distintos espazos do colexio.
A organización da actividade foi a medias entre a ANPA milnen@s e nubes producións, todas as persoas que se achegaron tiveron moita paciencia esperando a quenda para gravar, agora tamén fai falla paciencia para ver o vídeoclip...as imaxes prometen, aí vos queda un pequeno adianto.
Un exemplo de como nos podemos estomballar ou estar a piques de facelo.
Na revista dixital do colexio está o vídeo-demostración de como estomballarn@s...
Na web da ANPA milne@s están polo labor de estomballarse no colexio...
No Facemos Música , o blog de Laura Pazos (unha das profesoras de música do colexio), sae a definición de ESTOMBALLAR , botádelle un ollo...
Estomballar v.p. 1. Deixarse caer [sobre algo] debido á fatiga, ó cansazo ou pola falta de ánimo. Chegou tan esgotado, que se estomballou nese sofá e quedou durmido. CF. tombarse. 2. Deitarse [un animal] no chan, dando voltas por el. Os porcos estomballábanse no curral. SIN. envorcallarse."
LEMBRA QUE O XOVES 21 ÁS 5 SE TE ACHEGAS O COLEXIO PODERÁS ESTOMBALLARTE CON NÓS!!!
Un 17 de maio 1963 comeza a celebrarse o día das letras galegas, xa que 100 anos antes Rosalía de Castro publicaba Cantares Gallegos...
Estombaqué?
Estombállate no colexio é o titulo do videoclip que se gravará o xoves 21 e no que estades convidados a participar...pero mellor é que escoitedes a cuña publicitaria e que esteades atentas ou atentos ás novas que irán saíndo nos blogs e webs da nosa comunidade virtual: Facemos Música, revista dixital, cousas do cole, ou web milnen@s.
Gabriel Tizón contoume un día a fermosa historia de Nabela, do seu sorriso e vitalidade nun mundo cheo de dificultades e carencias...cando menos da que pensar, non sí? 
O SORRISO DE NABELA:
Todas as mañás escoitaba un sorriso que destacaba por riba da algarabía dos nenos mentres xogaban, o de Nabela, unha nena de 6 anos que estaba todo o tempo bromeando e vacilando os seus amigos. Era a miña veciña, vivía cos seus curmáns e irmáns nunha casa moi pobre. Un día achegouse para que lle fixese unha fotografía; mentres a fotografiaba, vacilábame todo o tempo e ao final fixo que rise sen parar creando unha das sesións máis divertidas da miña vida. Ao seu lado viña o seu curmán de 5 anos, presentoumo como “amigo chorador”, porque dicía que estaba todo o tempo chorando por parvadas. O "amigo chorador" ás veces choraba porque tiña fame. Estivemos 21 días xogando e paseando cada vez que nos encontrabamos, nunca a escoitei queixarse de nada e faltáballe de todo: comida, saúde, xoguetes…Un día, mentres paseabamos, compreille uns chupetes ( piruletas) nunha tenda que era un antigo contedor de barco; ao collelos achegouse a un neno que non coñecía de nada e regaloulle un dos doces, despois miroume e escachou a rir. Ensíname como ninguén o pouco que vou coñecendo o continente africano desde un punto de vista que nunca se emprega á hora de falar sobre África, desde o sorriso, desde a esperanza, desde a ilusión..., xa que a pesar de moitos é un lugar de alegría e humor.
Unha actividade moi sinxela para rematar a segunda parte da historia das mans:
Coa sombra das mans proxectada no EDI, só temos que escoller cal é a cor que máís nos gusta para a nosa man,(neste caso as catro cores dos rotuladores do encerado interactivo), e con axuda debuxar o perfil.
...e xa temos un mural clásico en soporte dixital.
Un animado paseo pola selva, acompañados de divertidos animais e coa música de Nicole Willis.
Xa rematamos a primeira parte das actividades dunha historia de mans, e agora coñecemos a NABELA, unha das protagonistas...aínda nos queda un poco para saber máis dela.
Xa temos unhas cantas músicas no mundo: o mellor de todo é que as escoitamos na clase (as vantaxes de ter internet) e deste xeito imos afacendo o oído ao son das distintas linguas.
Hoxe a novidade ven de Polonia, a ver que vos parece...atopeina no álbum Comptines e Berceuses, como algunha das outras, (no podcast aparece a información).
Coma sempre espero as vosas suxestións!!!
Pois á gravadora de sons do portatil, unha maneira sinxela de gravar.
Nesta actividade o proceso da primeira sesión é observar, contar, gravar e escoitar o resultado da gravación.
Nunha segunda sesión e unha vez editado o vídeo xogamos a recoñecer voces.
"El 21 de abril se presentó en París la Biblioteca Digital Mundial (WDL), que nace para compartir los tesoros culturales de todo el mundo en un único lugar. Estos tesoros culturales incluyen la digitalización de todo tipo de documentos: manuscritos, mapas, libros poco comunes, partituras musicales, grabaciones, películas, grabados, fotografías, ... en siete idiomas distintos."
... o primeiro é observar a imaxe en grande na pantalla do EDI, tocala, contar o que pasa na foto...
...e a encher de cores as mans.
...descubrirémola os poucos, coma unha adiviña.
foto Gabriel Tizón
As pistas serán as actividades que fagamos nas próximas sesións no encerado dixital.
Aquí tedes un exemplo dunha actividade de expresión oral traballada a partires dun vídeo.
O que fixemos:
- Ver o vídeo de seguido
- Volver a velo facendo pausa nalgunhas imaxes.
- Falar e gravar os comentarios.
- Escoller unha imaxe fixa,(a dos paxaros esperando a comida), e pintar sobre ela coas ferramentas flotantes do encerado dixital.
- Escoitar a gravación e tentar de recoñecelas voces.
Na aula de 3 anos B pintan con chocolate, cóntanolo Aurora, a súa titora:
" Falando dos animais, decidimos probar como pintarían nas covas de Altamira...só que nós usamos chocolate. Qué divertido!!! case que non pintamos, máis ben comemos."
... é tecnoloxía, aínda que parece maxía.
Os nenos e nenas da aula de 3 anos B pintan o mandilón da súa mascota coas ferramentas do encerado dixital.
Seguimos a espera de publicar as gravacións sobre Martín, xa falta menos.
Quen é Martín?
Boa pregunta, e se sabedes a resposta non dubidedes en contalo.
Preguntade as nenas e nenos de 3 anos B que seguro que vos dan algunha pista...no AULA BLOGUE seguiremos informando.
Xa tiña ganas de presentar este blog na nosa blogosfera, o blog da aula de Luís, onde os nenos e nenas participan activamente cos seus comentarios e tamén publicando traballos en formato multimedia...son de Oleiros e mándolles un saúdo e parabéns polo seu traballo.
Recomendado no blog da aula de Luís
STELLARIUM
Xa temos o vídeo dos nenos e nenas da aula de 3 anos B no que tamén xogan a imitar a GIOCCONDA...pronto veremos unha terceira parte.
Este vídeo é unha mostra do proxecto Lupita Mundi, unha asociación que denuncia a situación da infancia máis desfavorecida do mundo.
Nas aulas de 3 anos están a observar un cadro que é ben coñecido: A Gioconda, unha obra pictórica de Leonardo da Vinci.
Con unha peluca e moito sentido do humor imitamos o seu sorriso e postura das mans, por suposto nunha interpretación moi libre e divertida.
Chega o tempo do Entroido e no "cole azul" xa están rematando os disfraces que este ano son moi vistosos.
Nós, no encerado dixital tamén nos transformamos en pintoras e pintores seguindo a POLLOCK
e usando a aplicación que ten o mesmo nome no apartado de recursos do AULA BLOGUE.
Aquí vos deixo imaxes da actividade.
O noso videoblog non para de medrar con "tesouros " que van aparecendo na rede.
A flor máis grande do mundo descubriumo Elena Ramos (nai de dous alumnos do colexiio) como xa fixo noutras ocasións.
Grazas Elena!!!... e xa sabes a seguir compartindo.
Un novo blog na blogosfera do colexio: cousas do cole
"Este blog nace coa intención de trasladar un pouco de información xeral sobre o funcionamento e os distintos estamentos dun C.E.I.P. (Centro de Ensino de Infantil e Primaria) e tamén máis concretamente co relacionado no C.E.I.P. Emilia Pardo Bazán."
Parabéns a Arturo que é o autor do blog, membro do Consello Escolar en representación das nais e pais.
¡Un conto!
Como os que escribía Hans Christian Andersen .
Escoitade a Hans en directo desde Dinamarca.
Información compartida por Elena Ramos.
Aprender de memoria unha poesía, reproducir sons ou o xogo teatral son actividades de expresión que forman parte da dinámica das aulas de infantil, un exemplo deste tipo de actividades é a que estamos a facer coa poesía ¡PLIN! ¡PLIN! ¡CLAN!.
No blog irán aparecendo gravacións de son, ilustracións relacionadas coa poesía e feitas na clase, algunha foto...para que se poida apreciar o desenvolvemento da actividade, e tamén, para que dende as casas poidades compartir estas experiencias cos vosos nenos e nenas.
Gravación feita na 1º sesión da actividade nas aula de 3 anos .
Un novo blog na nosa blogosfera, UNHA CASA PARA MENTA, que nos achega a comunidade educativa de Cee.
Unha oportunidade para compartir experiencias.
Onde está Baíñas?
Unha das cousas que máis me gusta de ter aberto o blog é que facilita o contacto con outras comunidades educativas, neste caso cos nenos e nenas de 1º do Ceip de Baíñas, que tamén teñen un blog coñecido por nós PASIÑO A PASIÑO.
Na visita que fixeron deixaron un comentario:
nenas e nenos de Baíñas
Gustounos moito este poema e sobre todo o video da lúa.
un saúdo para o voso blog
Un fermoso poema para comezar o novo ano.
¡Plin! ¡Plin! ¡Clan!
Os paraugas
de mil cores
veñen, van.
Unha pinga
moi redonda
nos fuciños
do meu can.
¡Plin! ¡Plin! ¡Clan!
Docemente
chora a nube,
molla o chan.
¡Plin! ¡Plin! ¡Clan!
Os rapaces,
algareiros,
empezan
a chapuzar.
¡Plin! ¡Plin! ¡Clan!
Chove moito,
moito chove,
non ten trazas
de parar.
E nas pozas
e os tellados
só se escoita o
¡Plin! ¡Plin! ¡Clan!
Un texto atopado no libro:
POLA RÚA DOS VERSOS
Ana Mª Fernández
Adriana Exeni
Ala Delta
Editorial Edelvives
CICLO DE CINE
Os sábados de xaneiro, febreiro e marzo de 2009.
Ás 18:00 h
Tríptico 12 Pelis Para Os Peques
Postagens
Comentários
